अल्डरसट भलिबल क्लबको अध्यक्षमा विमल गुरुङ चयन

लन्डन । अल्डरसट भलिबल क्लबको अध्यक्षमा विमल गुरुङ चयन हुनु भएको छ ।

शनिबार अल्डरसटस्थित माइतीघरमा भएको पाँचौँ अधिवेशनले गुरुङको अध्यक्षतामा नयाँ कार्यसमिति चयन गरेको हो । गुरुङ यसअघि उपाध्यक्ष हुनुहुन्थ्यो ।

उपाध्यक्षमा सैलेश राई र सेवक ग्लान, सचिवमा गोकुल राई, सहसचिवमा मेश पुन, कोषाध्यक्षमा कृष्ण गुरुङ, सहकोषाध्यक्षमा हेम राई र खेल संयोजक मिन ठकुरी चयन हुनुभएको छ ।

अधिवेशनमा क्लबका संरक्षक शेरबहादुर सुनारले नवनिर्वाचित पदाधिकारी तथा सदस्यहरूलाई बधाई तथा शुभकामना दिनुभएको थियो । अधिवेशनको निर्वाचन मण्डलमा क्लबकै पूर्वअध्यक्षहरू डोल श्रीस र सोर्ग गुरुङ हुनुहुन्थ्यो ।

अल्डरसट वरिपरि बसोबास गर्ने भलिबलप्रेमीहरू मिलेर सन् २०१६ मा चन्द्र गुरुङको अध्यक्षतामा उक्त भलिबल क्लब स्थापना गरिएको हो ।