तमु धीं यूकेको १३ औं कार्यसमितिको औपचारिक घोषणा, को को चयन हुनुभयो ? [सूची]

लन्डन । तमु धीं यूकेको १३ औं कार्यसमितिको औपचारिक घोषणा गरिएको छ ।

तमु धिं भवन मिचेटमा शनिबार भएको २४ औं वार्षिक साधारणसभा र १३ औं महाधिवेशनमा तमु धीं यूकेको अध्यक्षमा जुमकाजी गुरुङ र आमा समूहको अध्यक्षमा कमलादेवी गुरुङ निर्विरोध चयन घोषणा निर्वाचन मण्डलका संयोजक एकेन्द्र गुरुङले गर्नुभएको हो । संयोजक गुरुङका अनुसार गत शनिबार भएको मनोनयन दर्तामा अध्यक्षलगायतमा एकल उम्मेदवारी परेकाले उहाँहरु निर्विरोध निर्वाचित हुनुभएको हो । जुमकाजी नेतृत्वको नयाँ कार्यसमितिको २९ जना नै निर्विरोध भएको छ । यस्तै कमलादेवीको नेतृत्वको आमा समूह २८ सदस्यी रहेको छ ।

अध्यक्षमा चयन भएका जुमकाजी यसअघि वरिष्ठ उपाध्यक्ष हुनुहुन्थ्यो ।

नवनिर्वाचित कार्यसमितिले शनिबार नै निर्वाचित भएको प्रमाणपत्र लिनुभएको छ । उहाँहरुले पद तथा गोपनियताको शपथग्रहणसमेत गर्नुभयो । नयाँ कार्यसमितिको कार्यकाल दुई वर्षको रहने व्यवस्था छ । यसअघिका अध्यक्ष हरि गुरुङ र आमा समूह अध्यक्ष सन्ध्या गुरुङको कार्यकाल सकिँदै गर्दा नयाँ कार्यसमिति चयन गरिएको हो ।

शनिबार घोषणा गरिएको कार्यसमितिले ल्होछार कार्यक्रम २८ डिसेम्बरमा जिम्मेवारी लिनेछ । आजको कार्यसमिति घोषणाअघि साधारणसभा भएको थियो । सभामा विभिन्न प्रतिवेदनउपर छलफलपछि पारित गरिएको थियो । अधिवेशनमा बाक्लो उपस्थिति रहेको थियो ।