मगर संघ यूके केन्ट शाखामा नयाँ कार्यसमिति चयन, अध्यक्षमा मेजर प्रेमबहादुर

तुल्सीराज राना मगर
केन्ट । मगर संघ यूके केन्ट शाखामा नयाँ कार्यसमिति चयन भएको छ । २३ नोभेम्बर २०२४ शनिबार फोक्सटोन नेपाली कम्युनिटी सेन्टरमा भएको शाखाको नवौं अधिवेशनले रिटायर्ड मेजर प्रेमबहादुर आले एमभिओको नेतृत्वमा नयाँ कार्यसमिति सर्वसम्मत चयन गरेको हो ।

कार्यसमिति उपाध्यक्षमा रिमबहादुर काउचा, सचिव बिनम राना, सहसचिव भिम पुन, कोषाध्यक्ष दिपक बुढामगर र सहकोषाध्यक्षमा जसबहादुर थापा चयन हुनुभएको छ ।

सांस्कृतिक सचिव मोहन थापा, सहसांस्कृतिक सचिव अस्मिता पुन र मिडिया, पेयपदार्थ, खानपान, सम्पत्ति, खेलकुद, कर्मकाण्डलगायत विभिन्न विधाका सचिवहरु भने निर्विरोध निर्वाचित भएको निर्वाचन समितिले जनाएको छ ।

केन्टभित्र पर्ने विभिन्न स्थानहरु मेडिस्टोन, चाथाम मिडवे, फोक्स्टोन, केन्टुबरी, आश्फोर्ड, डोभर, इभिक्टा ब्यारेक र टु आर जीआरका प्रतिनिधीहरु पनि चयन गरिएको छ ।

अध्यक्ष रिटायर्ड क्याप्टेन नानीबाबु मगरको अध्यक्षतामा बसेको खुलासत्र कार्यक्रमलाई सचिव धनबहादुर बुढाले संचालन गर्नुभएको थियो । उक्त कार्यक्रममा आर्थिक प्रतिवेदन कोषाध्यक्ष रिम काउचाले प्रस्तुत गर्नुभएको थियो । अध्यक्ष रिटाएर्ड क्याप्टेन नानीबाबु मगरले मगर संघ यूके केन्ट शाखाको कार्यप्रतिवेदन प्रस्तुत गर्नुभएको थियो । आर्थिक प्रतिवेदन साथै कार्यप्रतिवेदनलाई हलबाट सर्वसम्मत पारित गरिएको थियो ।

प्रतिवेदनहरु पारित गरिएलगत्तै ८ औं कार्यसमितिका अध्यक्ष रिटायर्ड क्याप्टेन नानीबाबु मगरले आफू नेतृत्वको कार्यसमिति विघटन भएको घोषणा गर्नुभएको थियो । त्यसपछि निर्वाचन आयुक्त दिपककुमार काउचालाई स्टेज जिम्मा दिइएको थियो । निर्वाचनमण्डलका सचिव लालबहादुर पुन र सदस्य डाक्टर बल थापाले निर्वाचन सम्पन्न गराउनुका साथै नवनिर्वाचित कार्यसमितिलाई पद तथा गोपनियताको शपथ ग्रहण गराउनुभएको थियो ।

अधिवेशनमा पर्यवेक्षकको रुपमा मगर संघ यूके केन्द्रका अध्यक्ष सिता पुन र सहसचिव सरला रोका मगरको उपस्थिति रहेको थियो भने संरक्षक घन थापा, संस्थापक अध्यक्ष मेजर चित्र राना, पूर्वअध्यक्षहरु टंक आले, उत्तरबहादुर मगर, विजय हितान, क्याप्टेन रामबहादुर पुनलगायत व्यवसायी, समाजसेवी, बुद्धिजीवी र मगर संघ यूके केन्ट शाखाका सदस्यहरु तथा परिवारहरुको बाक्लो उपस्थित रहेको थियो ।