शान्ति नेपाली समाज बेलायतको अध्यक्षमा न्यौपाने निर्वाचित

लन्डन । शान्ति नेपाली समाज बेलायतको अध्यक्षमा न्यौपाने निर्वाचित हुनुभएको छ ।

वेष्ट ब्रमिचमा बिहीबार भएको संस्थाको सातौं अधिवेशनबाट न्यौपानेको अध्यक्षतामा सर्वसम्मत नयाँ कार्यसमिति चयन भएको हो । संस्थाको स्थापनाकालदेखि नै सक्रिय नवनिर्वाचित अध्यक्ष न्यौपाने अघिल्लो कार्यसमितिमा उपाध्यक्ष हुनुहुन्थ्यो ।

कार्यसमितिमा उपाध्यक्ष पदम शाही र निशान्तमान बज्राचार्य, महासचिव राजेशमणि लामिछाने, सचिव लेखनाथ घिमिरे, कोषाध्यक्ष काशीराम वन र सहकोषाध्यक्ष सुशिला दवाडी रहनुभएको छ ।

त्यस्तै, सदस्यहरुमा बमबहादुर नेपाली, जीवलाल न्यौपाने, राजन बस्याल, शिलाल पौड्याल, हिमाल श्रेष्ठ, लक्ष्मण ढकाल, डोलराज पराजुली, पृथ्वीनारायण अर्याल, गीता लम्साल शिम्खडा, मोहन पान्डे, तेजबहादुर भण्डारी, रेवती गौतम र प्रल्हाद कँडेल निर्वाचित हुनुभएको निर्वाचन समिति संयोजक गोविन्द खरेलले जानकारी गराउनुभएको छ । कार्यसमितिको कार्यकाल दुई वर्षको रहने व्यवस्था छ ।

त्यसअघि निवर्तमान समिति अध्यक्ष प्रविण खरालको अध्यक्षतामा सम्पन्न अधिवेशनको पहिलो सत्रमा संस्थाका आर्थिक तथा प्रगति प्रतिवेदनहरुमाथि छलफल गरी पारित गरिएको थियो ।