साउथ इष्ट लन्डनमा अप्रिल ७ मा नयाँवर्षको शुभकामना कार्यक्रम

लन्डन । साउथ इष्ट लन्डनको प्लमस्टिडमा आगामी अप्रिल ७ तारिख आइतबार नेपाली नयाँ वर्ष शुभकामना कार्यक्रम आयोजना हुने भएको छ ।
स्थानीय एशिएन कम्युनिटी सेन्टरमा अपरान्ह ५ देखि राति ११ बजेसम्म सञ्चालन हुने कार्यक्रममा विविध सांस्कृतिक कार्यक्रमहरु प्रस्तुत गरिने बताइएको छ । स्थानीय कलाकारका गीत, नृत्य सहितका प्रस्तुतिसंगै डिजे डान्सको मनोरन्जन पनि कार्यक्रममा लिन सकिनेछ ।
साउथ इष्ट लन्डन क्षेत्रका अन्य नेपाली संस्था समेतको सहकार्यमा हुन लागेको कार्यक्रममा ५ सय बढी स्थानीय नेपालीको सहभागिता अपेक्षा गरिएको आयोजक आरजीएनएसका अध्यक्ष पुण्य रेग्मीले बताए । कार्यक्रमको संयोजन उपाध्यक्षद्वय सुरज मास्के र मन्जु भण्डारीले गर्दैछन् । आयोजक आरजीएनएस अध्यक्ष रेग्मीले नयाँवर्ष शुभकामना कार्यक्रमले स्थानीय नेपालीहरुबीच सुखद जमघटको अवसर सिर्जना गर्ने आशा व्यक्त गरिएको छ ।
कार्यक्रममा प्रवेश शुल्क मात्र १० पाउन्ड राखिएको छ । कार्यक्रममा साउथ इष्ट साथै बेलायतका अन्य क्षेत्रका नेपालीलाई पनि सहभागिताको लागि आयोजकले आव्हान गरेका छन् ।