बेलायतका दश हलमा नेपाली चलचित्र ‘बिहे पास’

लण्डन । बेलायतका विभिन्न १० स्थानमा नेपाली चलचित्र बिहे पास प्रदर्शन भइरहेको छ ।

मे १२ तारिखदेखि फेल्थाम, इल्फोर्ड, राइस्लिप, अल्डरसट, डोभरको सिनेवर्ल्ड तथा रेडिङ, बर्मिङहाम, नर्थ फिन्च्ले र ह्यारो भ्यू सिनेमा र पिकाडिली लेस्टरमा सो चलचित्र प्रदर्शन भइरहेको नेपाल ११ इन्टरटेनमेन्टका संस्थापक प्रतीक सुवेदीले जानकारी दिए ।

प्रवेश पौडेलको निर्देशन रहेको बिहे पास चलचित्रमा दयाहाङ राई, प्रकृति श्रेष्ठ, बुद्धि तामाङ लगायतको कलाकारको प्रमुख भूमिका रहेको छ ।