मगर संघ युकेमा पहिलोपटक महिला नेतृत्व

लण्डन । बेलायतको प्रमुख नेपाली संस्थाहरुमध्ये एक मगर संघ युकेमा पहिलोपटक महिला अध्यक्ष निर्वाचित भएको छ ।
संघको शनिबार फार्नब्रोमा सम्पन्न सातौँ अधिवेसनले सीता पुनमगरको अध्यक्षतामा नयाँ कार्यसमिति चयन गरेको हो ।
अरु पदमा निर्विरोध भए पनि अध्यक्ष पदमा चुनाव भएको थियो । चुनावमा पुनले २१६ र अर्का प्रत्याशी रामबहादुर गलामीले २१३ मत पाए । २ मत भने बदर भएको थियो ।
पुन यसअघि सोही समितिको वरिष्ठ उपाध्यक्ष र गलामी उपाध्यक्ष पदमा कार्यरत थिए ।
महाधिवेसनबाट वरिष्ठ उपाध्यक्षमा लालबहादुर पुन, उपाध्यक्षद्वयमा रुद्र थापा र होम रोका, सचिवमा गुमानसिंह थापा, सहकोषाध्यक्ष थाम रोका, सदस्यहरुमा टेन्याङ (सरु) रानामगर, नुनु पाइजा, रमेश दुरामगर, मोहन थापा, सरला थापा, सुशीला मगर, किशोर राना, रुक आले, गोमानसिंह पुन, नरेश थापा र बोधविक्रम थापा निर्वाचित भएका छन् ।
नवनिर्वाचित कार्यसमितिलाई प्रमुख निर्वाचन आयुक्त मिन दर्लामीले सपथ गराएका थिए भने संरक्षक घन थापामगरले प्रमाण पत्र हस्तान्तरण र संस्थापक अध्यक्ष थर्क रानाले खादा लगाइदिएका थिए ।
नवनिर्वाचित अध्यक्ष पुनले संघमा सबैलाई समेटेर लैजाने बताइन् भने प्रत्याशी गलामीले निर्वाचनमा जित हासिल गर्न नसके पनि संघमा पहिले जस्तै लागिरहने वचनवद्धता गरेका थिए ।
यसअघि सम्पन्न संघको महाधिवेसनको संघका पूर्व अध्यक्षहरु थर्क राना, कुल थापा, दुत पुन, नेम थापा, वर्तमान अध्यक्ष सुनिल राना र संरक्षक घन थापाले उद्घाटन गरेका थिए । स्वागत मन्तब्य उपाध्यक्ष छविमाया पुनले दिएकी थिइन् ।
महासचिव रुद्र थापाले संचालन गरेको र अध्यक्ष सुनिल रानाको अध्यक्षतामा भएको अधिवेसनमा संघका पूर्व अध्यक्षहरु थर्क राना, कुल थापा, दुत पुन, नेम थापा र शाखाका अध्यक्षहरुले मन्तब्य दिएका थिए । त्यसैगरी महासचिव रुद्र थापा, कोषाध्यक्ष होम रोका, हाउजिङ कोषाध्यक्ष थाम रोका, मगर भवन परियोजनाका संयोजक मेजर रिटायर्ड कुल थापा, नेपालस्थित कोषका प्रमुख मेजर रिटायर्ड केके आले र अध्यक्ष सुनिल रानाले अध्यक्षको प्रतिवेदन पेश गरेका थिए । साथै विधान संशोधन समितिका संयोजक क्याप्टेन रिटायर्ड रामबहादुर पुनले विधान संशोधनको मस्यौदा, रेडिङ शाखाका अध्य़क्ष सोब रेगामीले अडिट कमिटीको प्रतिवेदन प्रस्तुत गरेका थिए ।
कार्यक्रममा संघको मुखपत्र कानुङ लाङ्घाको विमोचन गरिएको थियो भने संघलाई सहयोग गर्ने विभिन्न महानुभावहरुलाई सम्मान पनि प्रदान गरिएको थियो ।
यस्तै, हालै सम्पन्न मगर महिला संघ युके र मगर युवा संघका नवनिर्वाचित पदाधिकारीहरुलाई पनि खादा लगाई सम्मान गरिएको थियो ।
संघको चुनाव सम्पन्न गर्नका लागि मिन दर्लामीको संयोजकत्वमा नरेश खपाङ्गी, बम थापा सूर्यवंशी, देवी आले र क्याप्टेन रामबहादुर पुन रहेको निर्वाचन समिति गठन गरिएको थियो ।