अस्पतालबाट घर फर्किए सत्यमोहन जोशी

काठमाडौं । शताब्दी पुरुष सत्यमोहन जोशी छ दिनको उपचारपछि घर फर्किएका छन् ।

गत मंगलबार स्वास्थ्यमा समस्या देखिएपछि उनलाई ललितपुरको किस्ट हस्पिटलमा भर्ना गरिएको थियो ।

उनलाई स्वासप्रस्वासमा अप्ठयारो र पिसाबमा संक्रमण देखिएका कारण समस्या भएको उपचारमा संलग्न चिकित्सकहरूले जनाएका थिए । उनी सोमबार दिउँसो हस्पिटलबाट ‘डिस्चार्ज’ भएका हुन् ।