सोलार फार्म प्रालिको वार्षिक साधारण सभा

तनहुँ । बेलचौतारा तनहुँस्थित सोलार फार्म प्राईवेट लिमिटेडका पहिलो वार्षिक साधारण सभा फार्मका संस्थापक अध्यक्ष मोहन गुरुङको अध्यक्षतामा शनिबार सम्पन्न भएको छ ।

सो साधारणसभामा फार्मका कर्मचारीहरु, पदाधिकारीहरु, डाईरेक्टरहरु र लगभग ४५ जना सेयर सदस्यहरुको उपस्थिति रहेको थियो । साधारण सभा बेलचौतारास्थित तमु समाजको हलमा भएको थियो ।
सोलार फार्मका सचिव राजन पाठकले सन्चालन गरेको वार्षिक साधारण सभामा सहभागी सबैको परिचयसहित साधारण सभाका बुँदाहरुमाथि छलफल गरिएको थियो ।

सन्चालक समितिका अध्यक्ष मोहन गुरुङको प्रतिवेदनपश्चात आर्थिक प्रत्तिवेदन, कम्पनीको अधिकृत पूँजी र चुक्ता पूँजीको अनुमोदन, लेखा परिक्षकको नियुक्ति र परिश्रमिक तोक्ने बारे, कम्पनीलाई खुला शेयर आव्हान (आईपीओ) अनुरुप प्राईवेट लिमिटेड कम्पनीलाई पब्लिक लिमिटेड कम्पनीमा रुपान्तरण आदि बारेमा सौहार्दपूर्ण वातावरणमा छलफल गरी सबै बुँदाहरु अनुमोदन गरिएको थियो ।
अध्यक्ष मोहन गुरुङले अहिले पाँच मेगावाट बराबरको उर्जा उत्पादन गरेर नेपालकै पहिलो सोलार विधुत उत्पादन गर्ने फार्म बनेको कुरा बताएका छन भने अर्को वर्षको बजेट रिपोर्टमा सेयर सदस्यहरुलाई नाफा बाँड्ने जानकारी दिएका छन् ।