मगर संघ प्लमस्टिड शाखाद्वारा आविष्कार केन्द्रलाई सहयोग

लण्डन । मगर संघ युके प्लमस्टिड शाखाले राष्ट्रिय आविष्कार केन्द्रलाई १ लाख ८ हजार ९६५ रुपियाँ सहयोग गरेको छ ।

सो सहयोग रकम समाजका तर्फबाट खड्कप्रसाद थापाले केन्द्रका प्रमुख महावीर पुनलाई केन्द्रमै पुगी हस्तान्तरण गरेका छन् । हस्तान्तरण कार्यक्रममा मगर समाज सेवा केन्द्र ललितपुरका अध्यक्ष श्रीप्रसाद बुढाथोकी लगायतको उपस्थिति रहेको थियो ।

शाखाका सदस्यहरुले लण्डन भाइटालिटी बिग हाफ म्याराथन दौडेर सो सहयोग रकम संकलन गरेका हुन् । धावकहरुलाई शाखाका सदस्यहरुले स्पोन्सर गरेका थिए ।

शाखाका अध्यक्ष दलप्रसाद थापाले सबै चन्दादातालाई धन्यवाद दिएको छ भने सहयोग हस्तान्तरण गरिदिएकोमा थापा र बुढाथोकीलाई पनि धन्यवाद ज्ञापन गरेको छ ।