गेसोको प्रष्टीकरण

लण्डन । गोरखा भूतपूर्व सैनिक संघ (गेसो)ले भक्तबहादुर गुरुङ गेसोको कुनै कमिटीमा नरहेको भन्दै प्रष्टीकरण दिएको छ ।

बुधबार लण्डनमा भक्तबहादुर गुरुङले गेसोको नाम दुरुपयोग गरी हस्तलिखित प्रेस वक्तब्य जारी गरेकोमा आफ्नो ध्यानाकर्षण भएको भन्दै गेसोले गुरुङ गेसोको केन्द्र, क्षेत्र, शाखा कतै नरहेकोले उनले जारी गरेको वक्तब्य गेसोको आधिकारिक नरहेको बताएको छ ।

गेसो उपसभापति जीतबहादुर राईद्वारा जारी विज्ञप्तिमा गेसोको लेटरप्याड र छाप भएको विज्ञप्ति मात्र आधिकारिक हुने बताइएको छ ।

बुधबार लण्डनमा आयोजित गोरखाहरुको प्रदर्शनका क्रममा भक्तबहादुर गुरुङले गोरखा सत्याग्रहद्वारा आयोजित आमरण अनसनप्रति ऐक्यवद्धता जनाएका थिए ।