गोरखाहरुलाई आमरण अनसन फिर्ता गर्न नेपाल सरकारको अनुरोध

लण्डन । नेपाल सरकारले लण्डनमा आमरण अनसनमा बसेका गोरखाहरुलाई अनसन अन्त्य गर्न अनुरोध गरेको छ ।

सरकारका तर्फबाट परराष्ट्र मन्त्रालयले आजै गोरखा सत्याग्रह संयुक्त स‌ंघर्ष समितिका प्रमुख संयोजक कृष्णबहादुर राईलाई एक पत्र लेख्दै आजै मन्त्रिपरिषद्को बैठकले गोरखाका बाँकी रहेका समस्यालाई कुटनीतिक माध्यमबाट समाधान गर्न सरकार प्रतिवद्ध रहेको र यसबारेमा कुटनीतिक प्रक्रिया समेत अगाडी बढिसकेकाले आमरण अनसन लगायतका विरोधका कार्यक्रम फिर्ता गर्न आह्वान गर्ने निर्णय गरेकाले अनसन फिर्ता लिन अनुरोध गरेको छ ।