एनआरएनए युरोप संयोजकमा युकेबाट कृष्ण तिमल्सेनाको उम्मेदवारी

लन्डन । गैरआवासीय नेपाली संघ (एनआरएनए) को चुनावी माहौल तातिँदै जाँदा युरोप क्षेत्रीय संयोजकमा वर्तमान उपसंयोजक कृष्ण तिमल्सेनाले उम्मेदवारी दिने भएका छन् ।

सन् २००७ देखि एनआरएन अभियानमा आवद्ध तिमल्सिनाले एकदशक एनआरएनको विभिन्न समितिमा रहेर कार्य गरिसकेका छन् । उनी युरोप उपसंयोजक हुनुपूर्व  २०१५–०१७ कार्यसमितमा केन्द्रीय सदस्य रहेका थिए । त्यस्तै सन् २०१३-१५ बेलायत राष्ट्रिय समितिको उपाध्यक्ष, सन् २०११-२०१३ बेलायत राष्ट्रिय समितिको सदस्य रहिसकेका छन् । कुराभन्दा काममा बढी विश्वास गर्ने उनी सन् २०१७ मा एनआरएनए युकेको अध्यक्षका प्रत्यासी रहेका थिए ।

मृदुभाषी, शालिन, निष्कपट र निष्कलंक छविका तिमल्सेना नेपलिज सेफ्स एसोसिएसन यूकेका संस्थापक अध्यक्ष तथा संरक्षक हुन् । उनको यूके र नेपालमा विभिन्न व्यवसायमा लगानी छ ।