वीनेपाली डटकमको सहसम्पादकमा बानु नियुक्त

लण्डन । बेलायतबाट सन्चालित नेपाली अनलाइन पत्रिका वीनेपाली डटकमको सहसम्पादकमा पत्रकार फातिमा बानु नियुक्त भएकी छिन् ।

सो अनलाइन पत्रिकाको प्रकाशक वीनेपाली डटकम लिमिटेडले शुक्रबार उनलाई सहसम्पादकमा नियुक्त गरेको हो ।

बानु मूलधारको नेपाली छापा तथा अनलाइन पत्रकारितामा सात वर्षदेखि सक्रिय छिन् । रातोपाटी डटकमबाट पत्रकारिता यात्रा शुरु गरेकी बानुले यसअघि कान्तिपुर राष्ट्रिय दैनिकमा स्वास्थ्य बिटमा पाँच वर्ष पत्रकारिता गरेकी थिइन् ।

उनी केही महिनादेखि लण्डनमा बसोबासरत छिन् ।

बानुले पत्रकारितामा स्नातक तथा अंग्रेजी साहित्यमा स्नातकोत्तरसम्मको अध्ययन गरेकी छिन् । हाल उनी अल्स्टर विश्वविद्यालयबाट एमबीए गर्दैछिन् ।

उनलाई वीनेपाली डटकमका निर्देशक नरेश खपाङ्गीमगरले वीनेपालीमा स्वागत गर्दै सफल कार्यकालको लागि शुभकामना दिएका छन् ।

वीनेपाली डटकम अनलाइन पत्रिका बेलायतमा दर्ता भई विगत सात वर्षदेखि प्रकाशन हुँदै आएको छ ।