शक्तिलाई न्यूजिल्यान्डको क्लब भित्र्याउन पूर्व क्रिकेटरको आग्रह

काठमाडौं। न्यूजिल्यान्डका पूर्व टेस्ट क्रिकेटर इयान ओब्रेनले त्यहाँको काउन्टी क्रिकेट क्लबलाई शक्ति गौचनलाई भित्र्याउन सल्लाह दिएका छन्।

सन् २००५ देखि २००९ सम्म २२ वटा टेस्ट खेलमा ७३ विकेट लिएका उनले आफ्नो टि्वटरमा गौचनको खुलेर प्रसंसा गरेका छन्। इयानले ट्विटरमा लेखेका छन- कुनै काउन्टीले नेपाली क्रिकेटर शक्ति गौचनलाई दुई कारणले लिन सक्छन। १) उनी  (गौचन) अद्भुत छन्। २) उनी र उनको क्रिकेटका बारेमा जान्न चाहन्छु । इयानले एक दिन अघि सो ट्विट गरेका थिए।

इयानले फस्ट क्लस म्याच विलिङटन, लेइस्टरशायर काउन्टी क्रिकेट र मिडिलेक्सबाट खेलका थिए। गौचन नेपाली टोलीमा निरन्तर रुपमा पर्दै आएका खेलाडी हुन्। उनले फस्ट क्लासका चार वटा र लिस्ट ए का १२ वटा खेलमा नेपालबाट प्रतिनिधित्व गरिसकेका छन्। उनी २२ वटा टि २० खेलमा सहभागी भएका छन्।