प्रियंका गहनामा सजिएर आठ महिनाकी वालिकासंग क्याटवाक

लन्डन । मल्टी ट्यालेन्टेड नायिका प्रियंका कार्की आफ्नो व्यस्तता छाडेर गत सोमबार रयाम्पमा उत्रिइन् । होटल याक एण्ड यतीमा २० देखि २२ मेमा आयोजित तीन दिने नेपाल इन्टरनेशनल जेम्स् एण्ड ज्वेलरी एक्सपो २०१६ को भोलिपल्ट प्रियंका अन्य ८ जना मोडलका साथ रयाम्पमा उत्रिएकी थिइन् स्वर्णीम कलेक्सनको आउटफिटमा । यसपटक उनले अस्मी ज्वेलर्सका गहना पहिरिएर क्याटवाक गरिन् । रमाइलो के भने प्रियंकाले प्रदर्शन गरेका गहना थिए ८ महिनाकी अस्मीको नाममा न्यूरोड, काठमाण्डूमा खुल्न लागेको गहना पसलको । अस्मीका बाबु आमा आशिष र रचना श्रेष्ठले छोरीका नाममा पसल खोल्न लागेका हुन् । रचना बेलायतवासी हुन् भने उनको परिवारको लन्डन साउथ ह्यारोमा समेत गोर्खा ज्वेलर्स नामको  गहना पसल छ ।

रचना एक समय लन्डनस्थित नेपाली टिभीको व्यवस्थापनमा समेत सक्रिय थिइन् । अस्मी ज्वेलर्सले २२ र २४ क्यारेटका विभिन्न गहना विक्री गर्ने जनाएको छ ।

प्रियंकाको ‘रुट’ मोडलिङ नै भएकाले उनको सहभागिता रयाम्पमा पनि बेला बेला भइरहन्छ । उनी अगष्ट २१ मा  बेलायतमा हुन लागेको मिस यूके नेपाल २०१६ का प्रतिष्पर्धीहरुलाई प्रशिक्षण दिन आउने कार्यक्रम छ ।