यूके आउंदै प्रकृति

लन्डन । पूर्वाञ्चल सिङ्गीङ स्टार २०७१ की बिजेता प्रकृति थलङ बेलायत आउने भएकी छन् । ब्रिटिश गोर्खा नेपाली परिषदको निमन्त्रणामा उनी यूके आउने भएकी हुन् । प्रकृतिको साथमा चर्चित लोकदोहोरी गायिका तथा बेली डान्सर प्रिती आले र नेपाल तारा रनर अप देबेस राई आउने परिषदले जानकारी दिएको छ ।

ति कलाकारले गोर्खा सांस्कृतिक सांझमा भाग लिनेछन् । २२ जुलाइमा टिडवर्थमा पहिलो कार्यक्रम भएपछि उस्तै प्रकृतिको कार्यक्रम यूकेका बिभिन्न ७ शहरमा हुने जनाइएको छ ।

आशलाग्दी गायिका प्रकृतिको पहिलो विदेश भ्रमण हो यूके । अहिले 
प्रकृति एल्बम निकाल्ने गृहकार्य गरिरहेकी प्रकृति पूर्वाञ्चल स्टार मात्र हैन नेपालकै स्टार बन्ने सम्भावना बोकेकी कलाकार मानिन्छ ।

सन् २०१६ मै गोर्खा सांस्कृतिक सांझको विन्टर संस्करण भव्य सफल भएपछि परिषदले समर सिजनको कार्यक्रम गर्न लागेको हो ।

साहित्य, संगीत, कलाकारिता, पत्रकारिता र खेल्कुद क्षेत्रमा काम गर्ने उद्देश्यले ब्रिटिश आर्मीमा गोर्खा भर्ती शुरु भएको २०० वर्ष पुगेको अवसरमा स्थापित ब्रिटिश गोर्खा नेपाली परिषदको यो दोश्रो कार्यक्रम हुनेछ । परिषदले यसै बर्षको अन्तमा ब्रिटिश गोर्खा अवार्ड प्रदान गर्दैछ ।