‘ड्रिम्स’ सफारी सिनेमा हलमा (फोटो फिचर)

लन्डन । भुवन केसी निर्देशित पहिलो फिल्म ‘ड्रिम्स’ ह्यारो सफारी सिनेमा हलमा प्रदर्शन गरिएको छ ।

आइतबार भुवन र उनका सुपुत्र हिरो अनमोल केसीको सहभागितामा फिल्म प्रदर्शन गरिएको हो । उक्त अवसरमा निर्माता डा. कपिल रिजाल, आयोजक सपन इन्टरटेनमेन्ट लिमिटेडका प्रोप्राइटर सपनकुमार राई, श्रीमति मन्जु गुरुङ राई, व्यवसायी बी पी खनाल, वरिष्ठ सञ्चारकर्मी खगेन्द्र नेपाली लगायत सयौंको उपस्थिति थियो ।

फिल्म हेर्न पुगेका दर्शक कलाकारद्वय भुवन र अनमोलसंग तस्विर 
खिचाउन खुबै लालयित देखिन्थे । मध्यान्तरपछि केही समय प्राविधिक गडबडी भएर साउण्ड नसुनिएपछि केही दर्शक भने निराश भएर फर्किएका थिए ।

अष्ट्रेलियामा फिल्म प्रदर्शन गरेर यूके आएका भुवनका बाबु छोरा अहिले बेलायतमा व्यस्त छन् । अघिल्लो आइतबार अल्डरसटस्थित एम्पाएर ब्याङक्यूटिङ हलमा रेड कार्पेट शो पछि उक्त चलचित्र उलवीच, ह्यारो र ग्रान्थाममा प्रदर्शन भइसकेको छ भने आगामी २० मेमा मेडिस्टोन र २२ मेमा स्कटल्याण्डको एबरडिनमा समेत प्रदर्शन हुने कार्यक्रम छ ।

बेलायत अघि हङकङ, कोरिया, अष्ट्रेलिया र जापानमा समेत राम्रो चर्चा बटुलेको ड्रिम्स् आगामी जुनमा अमेरिकामा प्रदर्शन हुंदैछ ।

तस्विरहरुः रुद्र ढकाल