प्रवासी मञ्चले चियापान तथा नयां वर्ष कार्यक्रम गर्ने

लन्डन । प्रवासी नेपाली मञ्च बेलायतले चियापान तथा नयां वर्ष २०७३ कार्यक्रम गर्ने भएको छ ।

नेकपा एमाले पोलिटब्युरो सदस्य तथा संसदीय दलका प्रमुख सचेतक भानुभक्त ढकालको प्रमुख आतिथ्यमा १७ अप्रिल दिउसो कार्यक्रम गर्न लागिएको मञ्चका महासचिव तुङ्ग भुसालले जानकारी दिए । चाल्टर्न एसेम्ली रुम्स् चाल्टर्नमा कार्यक्रम तय भएको हो ।

मञ्चले कार्यक्रममा सहभागी भएर शुभकामना आदानप्रदान एवं कमरेड ढकालसंग वर्तमान राजनीतिक अवस्थाबारे साक्षात्कार गर्न आग्रह गरेको छ ।

मञ्चले हरेक प्रमुख नेपाली पर्वका अवसरमा नियमित कार्यक्रम गर्दै आएको छ ।