दूतावासमा दशैं शुभकामना

लन्डन । लन्डनस्थित नेपाली दूतावासले विजयादशमीका अवसरमा मंगलबार दिउसो शुभकामना आदानप्रदान तथा जलपान कार्यक्रम गरेको छ । दूतावासले वर्षेनी दशैंमा बेलायतस्थित नेपाली समुदायलाई खुल्ला निमन्त्रणा गरि दिवाभोज आयोजना गर्ने गर्छ ।

दूतावास परिसरमा दिउसो तीन देखि ६ बजेसम्म नेपाली एवं विदेशी आउने जाने क्रम थियो । कार्यक्रममा ब्रिगेड अफ गोर्खाज प्रमुख कर्णेल रविन्सन्, मेजरहरु, गायक आनन्द कार्की, विभिन्न क्षेत्रका व्यक्ति एवं केही विदेशी समेत सहभागी थिए । जलपानमा सरिक हुनेलाई नेपाली खाना खसीको मासु, रोटी, अचार आदि परिकार उपलव्ध थियो ।

कार्यवहाक राजदूत तेजबहादुर क्षेत्रीले दशैं नेपालको प्रमुख सांस्कृतिक पर्व भएकाले हरेक साल शुभकामना एवं जलपान कार्यक्रम गरिंदै आएको जनाए ।