लन्डन । क्लब फिफ्टी (५०) यूकेको दोश्रो दशैं कार्यक्रम सम्पन्न भएको छ । १७ अक्टोबर, शनिवार सांझ ब्लु अर्किड रेष्टुरेन्टमा कार्यक्रम भएको हो । कार्यक्रममा संस्थाका अध्यक्ष उत्तम खड्का र महासचिव भरत रोकाले दशैंको शुभकामना दिंदै संस्थाको गतिविधिबारे अवगत गराएका थिए ।
कार्यक्रममा सहभागीले एकापसमा शुभकामना आदानप्रदान गर्दै विदेशमा समेत यस्तो कार्यक्रम हुनु सुःखद संयोग भएको बताए । सहभागीले नाचगान समेत गरेर माहोल रोमाण्टिक बनाएका थिए । उक्त अवसरमा ब्लु अर्किड रेष्टुरेन्टका सञ्चालक बल रायमाझीले क्लवको सहयोगार्थ एकसय पाउण्ड सहयोग गरेका छन् ।
संस्थाले धेरै गतिविधि नगरेपनि प्रभावकारी कार्यक्रम गर्दै आएको छ । केही समय अघि भूकम्प पीडितलाई सहयोग गरेको उक्त संस्थाले सर्लाहीको श्री चन्द्र भुजेश्वर उच्च माध्यमिक विद्यालयमा अध्ययनरत दश जना विद्यार्थीलाई छात्रवृत्ति प्रदान गरिरहेको छ ।
क्लव फिफ्टी नेपालमा लोकप्रिय संस्था मानिन्छ । यसमा पुलिस, आर्मी सम्वद्ध उच्च ओहोदाका व्यक्ति देखि नेता, व्यवसायी समेत आवद्ध छन् ।
