मिस्टर नेपाल गुरुङ लन्डन दूतावासमा सम्मानित

लन्डन । मिस्टर नेपाल सानु गुरुङ लन्डनमा सम्मानित भएका छन् । लन्डनस्थित नेपाली दूतावासमा बिहिबार सांझ आयोजित एक कार्यक्रममा एनआरएनए यूकेका तर्फबाट उनलाई सम्मान गरिएको हो ।

एनआरएनए यूकेका नवनिर्वाचित युवा संयोजक हरि आचार्यको विशेष सक्रियतामा एनआरएनए यूकेले गुरुङलाई सम्मान गरेको हो ।

एनआरएनए आइसीसी अध्यक्ष शेष घले, कार्यवाहक राजदूत तेजबहादुर क्षेत्री, एनआरएनए यूके अध्यक्ष मुछेत्र गुरुङ र युवा संयोजक आचार्यले मिस्टर नेपाल गुरुङलाई सम्मानपत्र प्रदान गरे ।

गुरुङको सम्मान कार्यक्रमका लागि एनआरएनए यूकेमा सक्रिय युवाहरु ह्यारी गुरुङ, जिवन सेन, जिवन अधिकारी, बीरेन खड्का, राजेन्द्र गुरुङलगायतले पहल गरेका थिए ।

दुई पटकसम्मको मिस्टर नेपाल उपाधि विजेता गुरुङ केही महिनायता बेलायतमा छन् । यूके नेपाल बडी बिल्डिङ प्रतियोगितामा निर्णायक तथा प्रशिक्षकको भूमिकाका लागि उनी बेलायत आएका हुन् ।

अर्को साता फर्किने गुरुङलाई यसअघि पनि बेलायतस्थित विभिन्न संघसंस्थाले विदाई तथा सम्मान गरिसकेका छन् ।

तस्बिर ः शिव भण्डारी