रोयल मेलले छाप्यो गोर्खालीका टिकेट

लन्डन । ब्रिटिश सेनामा गोर्खाहरु प्रवेश गरेको दुईसय वर्षको अवसरमा रोयल मेलले हुलाक टिकेट प्रकाशित गरेको छ । रोयल मेलले गोर्खा म्यूजियमको सहयोगमा गोर्खाहरुप्रति सम्मान दिन टिकेट प्रकाशित गरिएको जनाएको छ ।
दश युनियन फ्ल्यागसहित उक्त विशेष हुलाक टिकेट ७ हजार ५ सयप्रति छापिएको हो ।

रोयल मेलले यसै वर्षको शुरुतिर पहिलो गोर्खा भिसी विजेता राइफलम्यान कुलवीर थापाको चित्र अंकित टिकेट प्रकाशित गरेको थियो ।

टिकेटमा गोर्खा भर्ती शुरु भएको सन् १८१५ देखि आधुनिक गोर्खाहरुका गतिविधि, अफगानिस्तान युद्धमोर्चामा गोर्खा संलग्नता, दि गोर्खा वेलफेयर ट्रष्टसंगको सहकार्य आदि झल्काउने चित्र समावेश छन् ।

टिकेट गोर्खा संग्रहालयबाट खरिद गर्न सकिनेछ ।