दोस्रो गण्डकी लोक तारा २०८३ मा स्याङ्जाकी बत्तीकुमारी थापा प्रथम

काठमाडौं । दोस्रो गण्डकी लोक तारा २०८३ मा स्याङ्जाकी बत्तीकुमारी थापा प्रथम हुनुभएको छ ।

राष्ट्रिय लोक तथा दोहोरी गीत प्रतिष्ठान गण्डकी प्रदेशले आयोजना गरेको प्रतियोगिताको पोखरामा शनिबार भएको फाइनलमा बत्तीकुमार प्रथम हुन सफल हुनुभएको हो । उहाँले उपाधिसँगै नगद ५५ हजार ५५५ रुपैयाँसहित ट्रफी, मेडल र प्रमाणपत्र पाउनुभएको छ । उहाँले गीत नि:शुल्क रेकर्डिङ गर्ने अवसरसमेत पाउनुभएको छ ।

लमजुङका योगेश परियार द्वितीय, बागलुङकी ललिता घर्ती मगर तृतीय हुनुभएको छ । दोस्रो हुनेले ३३ हजार ३ सय ३३ नगद तथा ट्रफि, मेडल, प्रमाणपत्र पाउनुभएको छ भने तेस्रो हुनले २२ हजार, २ सय २२, ट्रफि, मेडल, प्रमाणपत्र प्राप्त गर्नुभएको छ ।

कास्कीका समिर पुन सान्त्वना हुन सफल हुनुभयो । सान्त्वना स्थान हासिल गर्नेले ११ हजार, १ सय ११, ट्रफि, मेडल, प्रमाणपत्र पाउनुभएको छ ।

अन्तिम प्रतिस्पर्धामा पर्वतका शोभा परियार, म्याग्दीका शक्ति छिनाल, तनहुँका मन्दिरा थापा मगर, गोरखाका निश्चल गुरुङ, स्याङ्जाकी बत्तीकुमारी थापा, नवलपुरका गणेश विक, मुस्ताङका सबिता छिनाल र मनाङका ममता तामाङ पुग्नुभएको थियो ।