नेपाल सरकारले हटायो विदेशस्थित १५ जना अवैतनिक दूत [यस्ता छन्, मन्त्रिपरिषद्को निर्णय]

काठमाडौं । नेपाल सरकारले विदेशस्थित १५ जना अवैतनिक दूतहरु हटाएको छ ।

शुक्रबार बसेको मन्त्रिपरिषद बैठकले परराष्ट्र मन्त्रालयको प्रस्तावमा विदेशस्थित १५ जना अनररी कन्सुलर जनरल तथा कन्सुलरलाई पदमुक्त गर्ने निर्णय गरेको बैठकपछि सरकारका प्रवक्ता सस्मित पोखरेलले जानकारी दिनुभयो । पदमुक्त भएकाहरु को को हुन् भन्नेबारे खुलाइएको छैन ।

यसैगरी अन्तर्राष्ट्रिय श्रम संगठन बाध्यकारी श्रम महासन्धि १९३० सम्बन्धी २०१४ को प्रोटोकल नम्बर २९ र १९४७ को नम्बर ८१ अनुमोदनका लागि संघीय संसदमा पेश गर्न स्वीकृति प्रदान गर्ने निर्णय पनि मन्त्रिपरिषद् बैठकले गरेको प्रवक्ता पोखरेलले जानकारी दिनुभयो । बैठकले यही वैशाख २८ गते दिउँसो बस्ने संघीय संसद् बैठकलाई सम्बोधनका लागि राष्ट्रपति रामचन्द्र पौडेललाई अनुरोध गर्ने निर्णयसमेत गरेको उहाँले जानकारी दिनुभयो ।