बेलायतको अल्डरसटबाट नेपाली ८१ वर्षीया वृद्धा सम्पर्कविहीन

लन्डन । बेलायतको अल्डरसटबाट नेपाली ८१ वर्षीया वृद्धा दुई दिनदेखि सम्पर्कविहीन भएकी छन् ।

सेतो कपाल र उचाइ करिब ५ फिट रहेकी वृद्धा सोमबार २० अप्रिलबाट अल्डरसट हाई स्ट्रिट क्षेत्रबाट सम्पर्कविहीन भएको ग्रेटर रश्मोर नेपाली कम्युनिटीले जनाएको छ । हराएकी महिला अन्तिम पटक देखिँदा लामो कालो ज्याकेट लगाएकी थिइन् । उनी कमजोर अवस्थाकी भएकाले बाटो बिराएको वा अलमलिएको हुन सक्ने जीआरएनसीकी अध्यक्ष लिला सेलिङ माबोले जानकारी दिनुभयो ।

महिलालाई देखेमा तुरुन्तै प्रहरी वा आपतकालीन सेवामा खबर गरिदिन आग्रह गरिएको छ ।