नेपाली कांग्रेस सभापति थापाद्वारा राजीनामा

काठमाडौँ । नेपाली कांग्रेसका सभापति गगनकुमार थापाले राजीनामा दिनुभएको छ । उहाँले बुधबार पदबाट राजीनामा दिनुभएको पार्टी कार्यालयले जनाएको छ ।

गत माघ १ गते सम्पन्न कांग्रेसको विशेष महाधिवेशनबाट उहाँ सभापतिमा सर्वसम्मत निर्वाचित हुनुभएको थियो । फागुन २१ मा सम्पन्न प्रतिनिधिसभा निर्वाचनमा पार्टी ३८ सिटमा खुम्चिएपछि थापा नैतिकताको आधारमा राजीनामा दिने मुडमा पुग्नुभएको थियो ।

यसैबीच, कांग्रेसले केन्द्रीय कार्यसमिति बैठक भोलि शुक्रबारका निम्ति आह्वान गरेको छ ।