नेपालमा प्रतिनिधिसभा निर्वाचनको मतगणना : रास्वपा अघिअघि, कांग्रेस, एमाले, नेकपा पछिपछि

प्रतिनिधिसभा सदस्य निर्वाचनअन्तर्गत जारी मतगणनाअनुसार ७० स्थानमा राष्ट्रिय स्वतन्त्र पार्टी (रास्वपा) अगाडि रहेको छ ।

निर्वाचन आयोगका अनुसार गणना भइरहेका ९४ निर्वाचन क्षेत्रमा आज दिउँसो २ बजेसम्म रास्वपाका ७० स्थानमा, नेपाली कांग्रेस, नेकपा (एमाले) र नेपाली कम्युनिष्ट पार्टी छ/छ स्थानमा अगाडि छन् ।

यस्तै, राष्ट्रिय प्रजातन्त्र पार्टी, प्रगतिशील लोकतान्त्रिक पार्टी र श्रम संस्कृति पार्टी तथा स्वतन्त्र उम्मेदवार एक÷एक स्थानमा अगाडि छन् । यसैगरी हालसम्म रास्वपा र कांग्रेसका एक/एक जना उम्मेदवार विजयी भएका छन् । रास्वपाका रञ्जु दर्शना १५ हजार ४५५ मतसहित काठमाडौं क्षेत्र नं १ बाट र कांग्रेसका योगेश गौचन थकाली तीन हजार ३०७ मतसहित मुस्ताङबाट विजयी हुनुभएको छ ।

……………….

काठमाडौँ । नेपालमा प्रतिनिधिसभा सदस्यको बिहीबार भएको निर्वाचनको मतगणना भइरहेको छ ।

शुक्रबार बिहानसम्म गणना भइरहेका स्थानमध्ये मुलुकका ४७ निर्वाचन क्षेत्रमा राष्ट्रिय स्वतन्त्र पार्टी अगाडि रहेको छ ।
नेकपा (एमाले) पाँच, नेपाली कांग्रेस पाँच र नेपाली कम्युनिष्ट पार्टी तीन स्थानमा अगाडि रहेको निर्वाचन आयोगले जनाएको छ । त्यस्तै अन्य दल दुई स्थानमा अगाडि देखिएको छ ।