नेपालमा प्रतिनिधिसभा निर्वाचन परिणाम : कुन दलले कति सिट जिते ?

समानुपातिकतर्फ पनि रास्वपाकै अग्रता

काठमाडौँ । प्रतिनिधिसभा सदस्य निर्वाचनको जारी मतगणनामा राष्ट्रिय स्वतन्त्र पार्टी (रास्वपा) हालसम्म ११६ क्षेत्रमा विजयी भएको छ । आइतबार दिउँसोसम्मको परिणामअनुसार रास्वपाका उम्मेदवारले ९ निर्वाचन क्षेत्रमा अग्रता हासिल गरिरहनुभएको छ ।

निर्वाचन आयोगका अनुसार हालसम्म १५० स्थानको मतगणना सार्वजनिक भएकामा नेपाली कांग्रेसले १७ क्षेत्रमा जित हासिल गरेको छ । नेकपा (एमाले) सात स्थानमा विजयी हुँदा तीन स्थानमा अगाडि रहेको छ ।

आयोगका अनुसार नेपाली कम्युनिष्ट पार्टीका तर्फबाट हालसम्म ६ उम्मेदवार विजयी हुनुभएको छ भने दुई स्थानमा अग्रता लिएका छन् । यस्तै, श्रम संस्कृति पार्टी दुई, राष्ट्रिय प्रजातन्त्र पार्टी र स्वतन्त्र उम्मेदवार एक–एक स्थानमा विजयी हुनुभएको छ । यस्तै, श्रम संस्कृति पार्टीका एक जना उम्मेदवार अग्रस्थानमा हुनुहुन्छ ।

समानुपातिकतर्फ
प्रतिनिधिसभा सदस्यको फागुन २१ गते सम्पन्न समानुपातिक निर्वाचनतर्फ मतगणना जारी छ । आयोगका अनुसार रास्वपाले हालसम्म १७ लाख १६ हजार ७९९, नेपाली कांग्रेसले ५ लाख ८२ हजार ३८७, नेकपा (एमाले)ले ४ लाख ८८ हजार १०४ र नेपाली कम्युनिष्ट पार्टीले २ लाख ३३ हजार ५८२ मत प्राप्त गरेका छन् । राप्रपाले भने १ लाख २६ हजार ८० मत प्राप्त गरेको आयोगले जनाएको छ ।

विस्तृत जानकारी लिन यहाँ क्लिक गर्नुहोस् ।