रुकुम पूर्वमा नेपाली कम्युनिष्ट पार्टीका संयोजक प्रचण्ड विजयी

रुकुम पूर्व । पूर्वप्रधानमन्त्री एवं नेपाली कम्युनिष्ट पार्टीका संयोजक पुष्पकमल दाहाल प्रचण्ड रुकुम पूर्वमा विजयी हुनुभएको छ ।

शुक्रबार सार्वजनिक परिणामअनुसार प्रचण्ड १० हजार २ सय ४० मतसहित विजयी हुनुभएको हो । उहाँ लगातार पाँचौँपल्ट प्रतिनिधिसभा सदस्यमा विजयी हुनुभएको छ ।

निकटतम् प्रतिस्पर्धी एमालेका लीलामणि गौतमले ३ हजार ४ सय ६२ मत, कांग्रेस उम्मेदवार कुसुम थापाले ३ हजार ८१ मत पाउँदा रास्वपाका लखनकुमार थापाले ८१९ मत ल्याएको निर्वाचन कार्यालयले जनाएको छ । त्यस्तै प्रलोपाका सन्दीप पुनले २०३ मत ल्याउनुभयो ।