‘द भ्वाइस अफ नेपाल’ सिजन ७ को उपाधि नीताकुमारी थापा मगरलाई

काठमाडौं । गायन रियालिटी शो ‘द भ्वाइस अफ नेपाल’ सिजन ७ को उपाधि नीताकुमारी थापा मगरले जित्नुभएको छ ।

काठमाडौंमा शनिबार आयोजित ग्राण्ड फिनालेमा दैलेखकी नीताले उपाधि जित्नुभएको हो । उहाँ कोच राजु लामाको टिमबाट प्रतिस्पर्धी हुनुहुन्थ्यो ।

फिनालेमा उहाँसँगै कोच खेम सेन्चुरीको टिमबाट सागर संसार राई, कोच प्रमोद खरेलको टिमबाट पुनम गुरूङ र कोच मेलिना राईको टिमबाट सञ्जिता दुरा प्रतिस्पर्धामा हुनुहुन्थ्यो ।

सागर फस्ट रनरअप, पुनम सेकेण्ड रनरअप र सञ्जिता दुरा थर्ड रनरअप हुनुभयो ।

फिनालेमा हिमालय टिभीका अध्यक्ष धर्मराज भुसाल र कार्यकारी निर्देशक श्याम कँडेलले विजेता र उपविजेतालाई पुरस्कार प्रदान गर्नुभयो ।