सगरमाथा गोर्खा नेप्लिज कम्युनिटीले फेब्रुअरी २२ मा आशफोर्डमा मोर्गेजसम्बन्धी कार्यक्रम गर्ने

लन्डन । यही २२ फेब्रुअरी आइतबार आशफोर्ड, केन्टमा मोर्गेज, सम्पत्ति व्यवस्थापन, संरक्षण तथा करसम्बन्धी एक जानकारीमूलक कार्यक्रम आयोजना गरिने भएको छ ।

सगरमाथा गोर्खा नेप्लिज कम्युनिटीको आयोजनामा मोर्गेजसम्बन्धी कार्यक्रम हुन लागेको हो । सेन्ट फ्रान्सिस चर्च (बिहीबारे) मा दिउँसो २ बजेपछि सुरु हुने सेमिनारमा विभिन्न क्षेत्रका विज्ञहरुले आफ्ना प्रस्तुति दिनेछन् ।

कार्यक्रममा ए-स्टार मोर्गेजेजका मोर्गेज तथा प्रोटेक्शन एडभाइजर रमेश सराङकोटीले इंगल्याण्डमा अहिले मोर्गेज बजारको अवस्था, निजी तथा कम्पनीहरुले प्रपर्टी किनेर भाडामा लगाउनेसम्बन्धी नियम, रेन्टल ग्यारेन्टी तथा कन्टेन्ट बीम लगायतका विषयमा जानकारी दिनुहुनेछ ।

त्यस्तै नर्वुड आशफोर्डका कोलिन र पेसेंसले घर भाडामा बस्ने मानिसहरुको हक, घरधनीले पूरा गर्नुपर्ने कम्प्लायन्स लगायतका विषयमा जानकारी दिनुहुनेछ ।

वरिष्ठ एकाउन्टेन्ट सचिन श्रेष्ठले अनलाइनबाट ट्याक्स फाइल गर्नु पर्ने नयाँ नियमबारे र उद्यमी जनक राईले आफ्नो घरमा रहेका बहुमूल्य सामग्रीको सुरक्षाबारे प्रस्तुति दिनुहुने आयोजकले जनाएको छ ।

स्थानीय नेपाली तथा गोर्खा समुदायलाई जानकारी दिने उद्देश्यले आयोजना गर्न लागिएको कार्यक्रममा उपस्थित भएर आफ्ना कुनै जिज्ञासाहरु भए राख्न आयोजकले आग्रह गरेका छन् ।