लन्डन । बेलायतवासी डा हेमराज शर्माले आगामी अक्टोबरमा हुने गैर आवासीय नेपाली संघ (एनआरएनए)को अध्यक्ष पदमा उम्मेदवारी दिने घोषणा गर्नुभएको छ ।
एनआरएनए रिःब्रान्डिङका लागि अध्यक्ष पदमा उम्मेदवारी दिने डा शर्माले सोमबार बिहान सामाजिक सञ्जाल फेसबुकमार्फत जानकारी गराउनुभएको हो । लिभरपुल यूकेमा
बस्दै आउनुभएका उहाँ हाल उपाध्यक्ष हुनुहुन्छ ।
शर्माले एनआरएनए निभाउनुभएको भूमिका र संलग्नता यस्तो छ ।
एनआरएनए रिःब्राण्डिङका लागि अध्यक्ष पदमा मेरो उम्मेदवारी
विगतमा भन्दा फरक पृष्ठभूमिको नेतृत्वलाई हेरौँ।
विभिन्न मुलुकमा छरिएका नेपालीलाई एकताबद्ध गर्दै, उनीहरूले आर्जन गरेको ज्ञान, सीप, प्रविधि र पुँजी मातृभूमि नेपालको सामाजिक तथा आर्थिक विकासमा सदुपयोग गर्ने उद्देश्यसहित गैरआवासीय नेपाली संघ (एनआरएनए) सन् २००३ मा स्थापना भएको थियो।
२२ वर्षको यात्रामा एनआरएनए नेपालभित्र र बाहिर बस्ने नेपालीहरूका लागि आशा र भरोसाको केन्द्र बन्दै गएकोछ, र साथै यस अवधिमा ९० देशमा आफ्नो औपचारिक सञ्जाल विस्तार गर्दै विश्वभर छरिएका नेपाली समुदायलाई सामूहिक चिनारी र उद्देश्यमा एकीकृत गर्न उल्लेखनीय सफलता हासिल गरेको छ।
संघले गैरआवासीय नेपाली सम्बन्धी ऐन, नागरिकता, आप्रवासी कामदारसँग सम्बन्धित सामाजिक सुरक्षा कोषलगायत कानूनी विषयहरूमा योगदान दिएको छ । यसले विदेशमा बस्ने हामी सबैमा मातृभूमिप्रतिको दायित्व अझ बढाएको छ।
प्रविधिको तीव्र छलाङ, बदलिँदो राजनीतिक परिदृश्य, विश्व अर्थतन्त्रको रूपान्तरण, र दोस्रो पुस्ताका एनआरएनहरूको बढ्दो संख्याले हामीलाई नयाँ परिस्थितिमा ल्याइपुर्याएको छ। यस्तो निर्णायक मोडमा, एनआरएनए अझ सान्दर्भिक, प्रभावकारी र सबैलाई समेट्ने बनाउन समयअनुकूल रूपान्तरण हुनु आवश्यक छ।
अर्कोतर्फ, हाम्रा विविध विचार र महत्वाकांक्षाका कारण केन्द्रीय नेतृत्वबीच अनावश्यक विभाजन हुँदा सम्पूर्ण नेपाली डायस्पोरा पनि विभाजनको अवस्थामा पुगेको छ। यसका कारण नागरिकतासहितका एनआरएनएका महत्वपूर्ण मुद्दाहरू ओझेलमा परेका मात्र छैनन्, संघकै अस्तित्व नै संकटमा पर्ने हो कि भन्ने आशंका बढ्दै गएको छ।
अहिलेकै मतभेदबीच पनि, संसारभर ८० हजारभन्दा बढी सदस्य भएका एनआरएनएले ५८ वटा राष्ट्रिय समन्वय परिषद्को निर्वाचन सफलतापूर्वक सम्पन्न गरिसकेको छ। साथै, २०२५ अक्टोबरमा काठमाडौंमा हुने १२औँ अन्तर्राष्ट्रिय महाधिवेशनका लागि ४,७०० भन्दा बढी प्रतिनिधिले आवेदन दिएका छन्। यी प्रतिनिधिहरू संस्थालाई उज्ज्वल भविष्यतर्फ डो-याउन सक्षम नेतृत्वको खोजीमा छन्।
अहिलेकै चुनौतीहरूलाई नम्रतापूर्वक स्वीकार्दै, मैले २०२५–२०२७ कार्यकालका लागि एनआरएनएको अन्तर्राष्ट्रिय समन्वय परिषद्को अध्यक्ष पदमा उम्मेदवारी दिने निर्णय गरेको छु। एनआरएनएको रिब्रान्डिङ गर्दै यस संस्थालाई सबैले अपनत्व महसुस गर्ने र पुस्तौँसम्म रहने धरोहर संस्थामा रूपान्तरण गर्नु मेरो मुख्य योजना हुनेछ।
म एकीकृत, समावेशी, प्रविधिमैत्री, नतिजामुखी, दिगो, सबल, जवाफदेही, पारदर्शी र बहुआयामिक एनआरएनए निर्माणमा केन्द्रित हुनेछु। मातृभूमि नेपालका लागि डायस्पोराका नेपालीहरूको सीप, ज्ञान, नवप्रवर्तन र आर्थिक लगानी भित्र्याउने वातावरण तयार पार्ने, सुरक्षित वैदेशिक रोजगार सुनिश्चित गर्न सहयोग गर्ने तथा नेपाल सरकार र अन्तर्राष्ट्रिय संस्थासँगको साझेदारी सुदृढ गर्ने विषयमा पनि विशेष ध्यान दिनेछु। साथै, संघलाई आर्थिक, राजनीतिक र अन्य बाह्य नकारात्मक प्रभावबाट जोगाउन अन्तर्राष्ट्रिय समन्वय परिषद्को नेतृत्व चयन सम्पूर्ण पञ्जीकृत सदस्यहरूको प्रत्यक्ष मतदानबाट गर्ने व्यवस्था सहित अन्य संस्थागत संरचनामा आमूल परिवर्तन गर्न अग्रसर हुनेछु।
म केवल सुधारको एजेन्डा लिएर मात्र आएको छैन, संसारभर छरिएका नेपाली डायस्पोराका चाहनाअनुसार एनआरएनालाई साँच्चिकै विश्वव्यापी, समावेशी, निष्ठामा आधारित र गतिशील संस्था बनाउन स्पष्ट रोडम्यापसहित आएको छुँ। हाल सम्मका नेतृत्व भन्दा मेरो फरक पृष्टभूमी भएकोले म विगतमा भन्दा फरक दृष्टिकोणसहित एनआरएनलाई नयाँ दिशातर्फ लैजान तयार छु। स्पष्ट कार्ययोजनासहितको घोषणापत्र चाँडै यहाँहरू समक्ष प्रस्तुत गर्नेछु। मेरो उम्मेदवारीलाई समर्थन गर्न तथा आवश्यक सुझाव र सल्लाह दिन संघका सदस्य, महाधिवेशन प्रतिनिधिहरू र शुभचिन्तकहरूलाई विनम्र अपील गर्दछु।
पेशागत र संघमा मेरो लामो अनुभवले मेरा प्रतिबद्धताहरू सफलतापूर्वक कार्यान्वयन गर्न मद्दत गर्नेमा म विश्वस्त छु। मेरो गैरआवासीय नेपाली अभियानमा संलग्नता यसै साथ प्रस्तुत गरेको छु।
डा हेम राज शर्मा
उपाध्यक्ष, गैरआवासीय नेपाली संघ
२६ अगष्ट २०२५
लिभरपुल, युके
एनआरएनएको अध्यक्षमा उम्मेदवारी दिने बेलायतवासी डा शर्माको घोषणा
शरण प्रणालीमा आमूल परिवर्तन गर्ने बेलायत सरकारको घोषणा
बेलायतसहित युरोपका धेरै देशबाट अमेरिका पठाइने पार्सलमा प्रतिबन्ध लगाउने घोषणा
मेरो भ्वाइस युनिभर्स सिजन–२ को विजेता प्रथम गुरुङ,मेरो डान्स युनिभर्स रिस्ता गुरुङ घोषित
बेलायतमा गायिका पवित्र गुरुङको ३१ अगस्टमा एकल साँझ
युद्ध साहित्य पुरस्कार २०८२ विरहीका ‘बारुदले कोरेका अक्षरहरु’ लाई प्रदान गरिने
नेपालकी पूर्वसभामुख ओनसरी घर्तीमगर बेलायत आउनुहुने
साफ महिला च्याम्पियनसिप : नेपाल भारतसँग ७ गोलले पराजित
बेलायतमा मनाइयो ‘लन्डन इन्द्र जात्रा’
लिपुलेकका सम्बन्धमा दलहरुको एकै स्वरः नेपालको सहमतिबिना भारत र चीनबीचको सम्झौता अस्वीकार्य
