एनआरएनए यूकेको नवनिर्वाचित कार्यसमितिको शपथग्रहण

लन्डन । गैरआवासीय नेपाली संघ (एनआरएनए) यूकेको नवनिर्वाचित कार्यसमितिले शपथ लिएको छ ।

अल्डरसटस्थित एम्पायर हलमा आइतबार एक समारोहबीच राजेन्द्र पुडासैनी नेतृत्वको १२औं कार्यसमितिले पद तथा गोपनियताको शपथ लिँदै पदभार ग्रहण गरेको हो । उहाँहरुलाई निर्वाचन समिति प्रमुख आयुक्त रामशरण सिम्खडाले शपथ खुवाउनुभएको हो ।

शनिबार २६ जुलाई राति सम्पन्न अनलाइन मतदानबाट पुडासैनी अध्यक्षमा निर्वाचित हुनुभएको हो । खुला उपाध्यक्षमा डा रक्षा थापा र उज्ज्वल कार्की,स्कटल्यान्ड क्षेत्रबाट रामप्रसाद कँडेल, वेल्स क्षेत्रबाट कृष्ण भण्डारी एवं नर्दन आयरल्यान्ड क्षेत्रबाट लिलाराम निउरे उपाध्यक्ष बन्नुभएको छ । महिला उपाध्यक्षमा कमला श्रेष्ठ र महासचिवमा दिवाकार पाण्डे निर्वाचित हुनुभएको निर्वाचन समितिले जनाएको छ ।

सचिवमा डिएन खराल र कृष्ण देवकोटा, महिला सचिवमा छमकला न्यौपाने पोखरेल, कोषाध्यक्षमा सरोज थापा, सहकोषाध्यक्ष दीपक तिमल्सिना, महिला संयोजकमा बिनु लामिछाने र युवा संयोजकमा वासुदेव पोखरेल निर्वाचित हुनुभएको छ ।

कार्यसमिति सदस्यमा लोकनाथ अधिकारी, गोपीप्रसाद सापकोटा, दीपक गैरे, विष्णुभक्त भट्टराई, दुर्गाप्रसाद काफ्ले, बालकृष्ण भुषाल, दिनेश परियार, मोहन ओली, शिवकान्त खराल, झपेन्द्र सापकोटा र प्रमोद भण्डारी चयन हुनुभएको छ ।

एनआरएनए यूकेबाट आईसीसी सदस्यहरुमा विष्णु खरेल, तुंगभद्र भुषाल र छविलाल अर्याल निर्वाचित हुनुभएको छ ।

राज्य समन्वय परिषदअन्तर्गत इंग्ल्यान्डमा राममाया विष्ट, स्कटल्यान्डमा शेर केसी, वेल्समा विकास रानाभाट र नर्दन आयरल्यान्डमा पूर्णेश्वर कंडेलको नेतृत्वमा कार्यसमिति निर्वाचित हुनुभएको निर्वाचन समितिले जनाएको छ ।