सगरमाथा गोर्खा/नेपाली समाज आश्फोर्ड केन्टमा नयाँ कार्यसमिति

लन्डन । सगरमाथा गोर्खा/नेपाली समाज आश्फोर्ड केन्टमा नयाँ कार्यसमिति चयन भएको छ ।

शनिबार, ३१ मे २०२५ का दिन सम्पन्न समाजको ११औं महाधिवेशनले मूल समिति अध्यक्षमा मोहन लिम्बु, महिला समितिका अध्यक्षप्रेमकुमारी गुरुङ तथा युवा समिति अध्यक्षमा सुरेन्द्र लिम्बु चयन भएको नवनिर्वाचित महासचिव रामप्रसाद लिम्बुले जानकारी गराउनुभयो । उहाँ महासचिवमा पाँचौं पटक दोहोरिनु भएको हो ।

यसअघिका अध्यक्ष डम्मर लिम्बु (मूल समिति), अध्यक्ष उमादेवी गुरुङ (महिला समिति) र अध्यक्ष शिखर लिम्बुको (यूवा समिति)को दुई वर्षे कार्यकाल सकिएपछि नयाँ नेतृत्व चयन गरिएको हो ।

सगरमाथा गोर्खा/नेपाली समाज आश्फोर्ड केन्ट सन् २००४ मा नेपालीहरुको हकहितका लागि स्थापना भएको हो ।