पर्वत वेलफेयर सोसाइटी यूकेको अध्यक्षमा सुरज पौडेल, महासचिवमा बाबुराम भुसाल चयन

तस्बिर : नेपाली लिंक
लन्डन । पर्वत वेलफेयर सोसाइटी यूकेको ११औं अधिवेशनले अध्यक्षमा सुरज पौडेललाई सर्वसम्मत चयन गरेको छ ।

अल्डरसटको एम्पायर ब्यांकेटिङमा शनिबार २६ अप्रिलमा सम्पन्न संस्थाको पौडेलको नेतृत्वमा २३ सदस्यीय नयाँ कार्यसमिति चयन गरेको हो । पौडेल यसअघि उपाध्यक्ष हुनुहुन्थ्यो । उपाध्यक्षहरुमा सन्जयध्वज भण्डारी, भिमलाल भट्टराई, कुलराज गुरुङ, सुप्रिया गुरुङ र नारायण गिरी तथा महासचिवमा बाबुराम भुसाल र उपमहासचिव निर्मला गुरुङ चुनिनुभएको निर्वाचन समितिले जनाएको छ । यस्तै कोषाध्यक्षमा विकास सापकोटा र सहकोषाध्यक्षमा अस्मिता शर्मा आचार्य चयन हुनुभएको छ ।

सदस्यहरुमा बलबहादुर थापा, पार्वती थापा, रक गुरुङ, जमुना थापा, जुना दर्लामी, चन्दन गुरुङ, रामचन्द्र तिवारी, स्वस्तानी गुरुङ, विष्णु गुरुङ, सुनिल गुरुङ, धनबहादुर हितान, पम्फा थापा र सोनिया गुरुङ निर्वाचित हुनुभएको छ ।

निर्वाचन समितिका संयोजक मेजर रिटायर्ड कृष्ण गुरुङले नवनिर्वाचित कार्यसमितिको नाम घोषणा गर्दै शपथ ग्रहण गराउनुभयो । यसअघि निवर्तमान समितिकी अध्यक्ष अप्सरा गुरुङको अध्यक्षतामा सम्पन्न अधिवेशन उद्घाटन सत्रमा प्रमुख अतिथि संस्थापक अध्यक्ष एवं एनआरएनए यूके अध्यक्ष हितकाजीले संस्था जन्माउँदा सानो स्केलबाट शुरु भएको र आफ्नो जिल्लावासीलाई कसरी एकै ठाउँमा ल्याउने भन्ने सोचले संस्था जन्मिएको बताउनुभयो ।