धरान समाज यूकेको अध्यक्षमा निकेश लिम्बु

लन्डन । धरान समाज यूकेको अध्यक्षमा निकेश लिम्बु चयन हुनुभएको छ ।

शनिबार १५ मार्चमा अल्डरसटमा सम्पन्न अधिवेशनले लिम्बुको नेतृत्वमा आठौं कार्यसमिति निर्वाचित गरेको हो । उहाँ रोयल एयर फोर्स र डिफेन्स एकेडेमी यूकेको मिडिया टिममा सदस्य हुनुहुन्छ । उहाँ अन्तर्राष्ट्रिय पुरस्कार विजेता चलचित्र निर्देशक एवं निर्माता पनि हुनुहुन्छ ।

लिम्बुले आफूलाई विश्वास गरेर अध्यक्षको जिम्मेवारी सुम्पिएकामा सबै अग्रज एवं निवर्तमान कार्यसमितिप्रति आभार व्यक्त गर्नुभएको छ ।

कार्यसमितिको वरिष्ठ उपाध्यक्षमा चन्द्रकला लिम्बु, उपाध्यक्षमा महा राई र पवीन राई, महासचिवमा बल्लभ गुरुङ एवं कोषाध्यक्षमा किशोर राई निर्वाचित हुनुभएको छ । अधिवेशनले कार्यसमितिको १५ सदस्यसमेत निर्वाचित गरेको छ ।

निर्वाचन समिति संयोजकमा पदम राई बीइएम र सचिव एवं सदस्यमा क्रमशः खडाहाङ लिम्बु र नेपालधन राई रहनुभएको थियो ।