बेलायतमा नेपाली संघसंस्थाहरुको विवरण अद्यावधिक गर्दै दूतावास

लन्डन । नेपाली राजदूतावास लन्डनले बेलायतमा रहेका नेपाली संघसंस्थाहरुको विवरण अद्यावधिक गर्ने प्रक्रिया अगाडि बढाएको छ ।

आगामी दिनमा आयोजना गर्ने कार्यक्रमहरु तथा समुदायसँगको सहकार्यमा हुनसक्ने राष्ट्रिय हित एवं प्राथमिकताका अन्य गतिविधिमा नेपाली डायस्पोराको अधिकतम परिचालनका लागि संघसंस्थाको विवरण अद्यावधिकका लागि सूचनामार्फत आह्वान गरेको हो । दूतावासले ७ जनवरीभित्र विवरण अद्यावधिक-उपलब्ध गराउन आग्रह गरेको छ ।

दूतावासले बिहीबार निकालेको सूचनामा लेखिएको छ, ‘संयुक्त अधिराज्यमा हाल क्रियाशील रहेका नेपाली संघ-संस्था/संगठनहरुको विवरण आवश्यक भएकाले देहायको लिंकमा गई ०७ जनवरी २०२५ भित्र आ–आफ्नो विवरण अद्यावधिक-उपलब्ध गराउनु हुन सम्बन्धित सबैमा अनुरोध छ ।’

दूतावास नेपाली संघसंस्थासँग सहकार्य गर्न लालयित रहेको जनाउँदै समुदायबाट रचनात्मक सुझाव, सल्लाह केही भए सहर्ष स्वीकार्नेसमेत सूचनामार्फत प्रस्ट पारिएको छ ।