पञ्चासे हर्पनडाँडा समाज यूकेको अध्यक्षमा पुन: देउकाजी गुरुङ

लन्डन । पञ्चासे हर्पनडाँडा समाज यूकेको अध्यक्षमा पुन: देउकाजी गुरुङ चयन हुनुभएको छ ।

गोर्खा भवन, फार्नबोरोमा शनिबार २१ डिसेम्बर २०२४ मा सम्पन्न भएको संस्थाको पाँचौँ वार्षिक साधारणसभाले देउकाजी नेतृत्वको पुरानै कार्यसमितिलाई निरन्तरता दिएको हो । आउने तीन वर्षका लागि चयन भएको कार्यसमिति उपाध्यक्ष रवि गुरुङ, महासचिव प्रकाश गुरुङ, कोषाध्यक्ष कृष्ण घले, सहकोषाध्यक्ष देव घले, सांस्कृतिक संयोजक खुशीमान गुरुङ, सहसंयोजक दिल गुरुङ रहनुभएको छ । यस्तै गाउँका प्रतिनिधिहरू यामबहादुर गुरुङ, दिलबहादुर गुरुङ, रुद्रकाजी गुरुङ, प्रेम गुरुङ, किरण गुरुङ, जगन गुरुङ, राजन गुरुङ, अशिष गुरुङ, खुशीमान घले, डमर घले चुनिनु भएको पञ्चासे हर्पनडाँडा समाजले जनाएको छ ।

केही रिक्त रहेका पदहरू कार्यसमितिको बैठकबाट पूर्णता दिने जनाइएको छ । कार्यसमिति चयनका लागि डमरकाजी गुरुङ र मोन गुरुङ निर्वाचन आयुक्त रहनुभएको थियो ।

संस्थाका अध्यक्ष देवकाजी गुरुङको अध्यक्षतामा भएको साधारणसभामा उपाध्यक्ष रवि गुरुङले स्वागत मन्तव्य, कोषाध्यक्ष कृष्ण घलेले आयव्यय विवरण प्रस्तुत गर्नुभयो भने प्रकाश गुरुङले नेपाल बैंकमा भएको खाता विवरण प्रस्तुत गर्नुभएको थियो ।

सहकोषाध्यक्ष देव घले, सांस्कृतिक संयोजक खुशीमान गुरुङ तथा सहसंयोजक दिल गुरुङ, वेब संयोजक कृपा गुरुङ, चार गाउँका प्रतिनिधिहरू यामबहादुर गुरुङ, रुद्रकाजी गुरुङ, किरण गुरुङ, जगन गुरुङ, निर गुरुङ र राजन गुरुङले छोटो मन्तव्य राख्नुभएको थियो ।

प्रमुख सल्लाहकार डमरकाजी गुरुङ, सल्लाहकारहरू रनबहादुर गुरुङ, मोन गुरुङ, आमा टोलीबाट गीता गुरुङ, शोभा गुरुङ, सरस्वती गुरुङ, विनीता गुरुङ र ध्रुव गुरुङलगायतले पनि छोटो मन्तव्य राख्नुभएको थियो ।

अध्यक्ष देवकाजी गुरुङले आफ्नो कमिटीले पुर्‍याएको योगदानको प्रशंसा गर्दै सम्पूर्णलाई धन्यवाद दिनुभएको थियो ।