नेपाली पर्या साहित्य प्रतिष्ठानद्वारा निबन्ध प्रतियोगिता आयोजना, विश्वभरबाट भाग लिन पाइने

प्रथमलाई ५० हजार, द्वितीयलाई ४० हजार र तृतीय निबन्धलाई ३० हजार पुरस्कार

लन्डन । नेपाली पर्या साहित्य प्रतिष्ठानले पर्यावरणीय निबन्ध प्रतियोगिताका लागि रचना आह्वान गरेको छ ।

पर्या साहित्यलाई प्रवर्द्धनको उद्देश्यले आयोजना गर्न लागिएको साहित्यको सशक्त विधा निबन्ध लेखनका लागि विभिन्न सर्त र नियमभित्र रहेर रचना पठाउन आग्रह गरिएको छ ।

निबन्ध प्रतियोगितामा संसारभरिका स्रष्टाले भाग लिन सक्नेछन् ।प्रतियोगितामा प्रथम हुनेलाई ५० हजार, द्वितीयलाई ४० हजार र तृतीय निबन्धलाई ३० हजार पुरस्कार तथा सम्मानपत्र प्रदान गरिने छ ।

प्रतियोगितामा सहभागी उत्कृष्ट २० निबन्धहरु संग्रहको रुपमा प्रकाशन गरिने र संग्रहमा प्रकाशित हुन बाँकी १७ निबन्धकारलाई जनही २ हजार रुपैयाँ सम्मानस्वरुप दिइने छ ।

पर्या निबन्ध प्रतियोगिताको नतिजा २०२५ मे ३१ शनिबार (२०८२ जेठ १७) काठमाडौंमा आयोजना गरिने ‘१० औं वातावरण साहित्य गोष्ठी’मा सार्वजनिक गरिने बेलायतवासी वातावरणविद् तथा साहित्यकार विजय हितानले जानकारी दिनुभएको छ ।

उहाँले सोही दिन निबन्धसंग्रहको पुस्तकको लोकार्पण पनि हुने बताउनुभयो ।

प्रतियोगीका लागि सर्त तथा नियम

१. निबन्धको विषय क्षेत्र पर्यावरण विशेश पर्यावरणीय साहित्य हुनुपर्नेछ ।

२. निबन्ध नेपाली भाषामा लेखिएको साहित्यिक भाव झल्किने रचना हुनुपर्नेछ । अझ साहित्यिकता नै त्यसको पहिलो कसी हुनेछ। भाषिक शुद्धता, वैचारिक सुसङ्गति र स्पष्टतामा विशेष ध्यान दइनेछ ।

३. निबन्ध २,५०० देखि ३,५०० शब्दसम्मको हुनुपर्नेछ ।

४. निबन्ध यूनिकोड या प्रिति फन्टमा टाइप गरी वर्ड फाइलमा पठाउनुपर्नेछ ।

५. निबन्ध प्रतियोगितामा संसारभरिका स्रष्टाले भाग लिन सक्नेछन् ।

६. निबन्ध अप्रकाशित, अप्रसारित र मौलिक हुनुपर्नेछ ।७. नतिजा सार्वजनिक नहुन्जेल प्रतियोगितामा पठाइएको निबन्ध कतै पनि प्रकाशन वा प्रसारण गर्न पाइनेछैन ।

८. छनोटमा परेका निबन्ध अन्य माध्यममा प्रकाशन वा प्रसारण गरेको भेटिएमा पुरस्कार निलम्बन गरिनेछ ।

९. प्रतियोगीले निबन्धसँगै आफ्नो छोटो परिचय, मोबाइल नम्बर, ईमेल र हालसालै खिचिएको फोटो पठाउनुपर्नेछ ।

१०. निबन्ध पठाइसक्नुपर्ने अन्तिम मितिः २०२५ फेब्रुअरी २८ शुक्रबार (२०८१ फागुन १६), रातको १२ बजे ।

११. निबन्ध पठाउन वा सम्पर्कको लागि इमेलः [email protected]साहित्यका थुप्रै पाटाहरु छन् ।

त्यसमध्ये पर्यावरणीय (पर्या) साहित्य पनि एक हो । यसलाई परिवृत्तीय/वातारणीय /परिवेश/इको साहित्यको नामले पनि पुकारिन्छ ।

पर्या साहित्यभित्र पर्या-नारिवाद, परिवृत्तीयता, प्रकृति सौन्दर्य, ग्राम्यता र शहरीकरण, जल/जमिन/वायु प्रदूषण, जलवायु परिवर्तन, जैविक विविधता, वन्यजन्तु चोरीशिकारी, वन्यजन्तु/वनस्पति र मानवबिचको अन्तरसम्बन्ध तथा अन्तरद्वन्द्व, पर्यावरणसंग आदिवासीको साइनो, धर्मशास्त्र र पर्यावरणीय चेत (पर्याध्यत्म), विकासले गर्ने वातावरणीय क्षय, पर्या राजनीतिजस्ता विभिन्न विषयवस्तु पर्दछन् ।