बेलायतबाट १ सय ५ जना शरद्कालीन हिमाल आरोहणका लागि नेपाल पुगे

लन्डन । शरद्कालीन हिमाल आरोहणका लागि बेलायतबाट १ सय ५ जना नागरिक नेपालमा गएका छन् ।

यस पटक सबैभन्दा धेरै संयुक्त राज्य अमेरिकाबाट १ सय ३१, बेलायतबाट १ सय ५, फ्रान्सबाट ८३, चीनबाट ७९, जर्मनीबाट ७७ रसियाबाट ७५, जापानबाट ६४, चेक रिपब्लिकबाट ६२, स्पेनबाट ५१ र अस्ट्रेलियाबाट ५० आरोही नेपाल गएको
पर्यटन विभागले शुक्रबार जारी गरेको तथ्यांकमा उल्लेख छ । शरद्कालीन हिमाल आरोहणका लागि बेलायतसहित ७२ वटा देशका १ हजार २ सय ५१ नागरिक नेपाल पुगेका छन् ।

पूर्वमा संखुवासभामा पर्ने मकालु हिमालदेखि पश्चिममा दार्चुलामा पर्ने अपीसम्मका ४६ हिमाल आरोहण गर्न यस पटक ७२ वटा देशबाट आरोही नेपाल आएको पर्यटन विभागको तथ्यांकमा उल्लेख छ । विदेशीबाहेक ४३ जना नेपाली पनि शरदयामको हिमाल आरोहणमा जाँदै छन् ।
यस पटक सबैभन्दा धेरै अमादब्लममा ४ सय ८१, मनास्लुमा ३ सय ८, हिमलुङमा १ सय ४४, वरुणसेमा ५१, थापापिक धम्पुसमा ३२, पुथाहिमचुलीमा २८, सारीबुङमा २१ जना आरोही पुगेका थिए ।