रेडिङ तमु समाज यूके अध्यक्षमा देवबहादुर र आमा समूह अध्यक्षमा आशा चयन

लन्डन । रेडिङ तमु समाज यूकेको अध्यक्षमा देवबहादुर गुरुङ र आमा समूह अध्यक्षमा आशा गुरुङ सर्वसम्मत चयन हुनुभएको छ ।

शनिबार १६ नोभेम्बर २०२४ मा रेडिङको पाकिस्तान कम्युनिटी सेन्टरमा भएको समाजको वार्षिक साधारणसभा तथा महाधिवेशनले देवबहादुरको नेतृत्वमा ३० सदस्यीय नयाँ कार्यसमिति चयन गरेको हो ।

उपाध्यक्षमा हिरा गुरुङ र विमला गुरुङ तथा महासचिव याम गुरुङ, सचिवमा राजकुमार गुरुङ, कोषाध्यक्षमा हस्त गुरुङ, सहकोषाध्यक्षमा राम गुरुङ र कल्चरल आईसीमा जुमप्रसाद गुरुङ निर्वाचित भएका छन् । अन्य पदाधिकारी तथा सदस्य गरी ३० जनाको कार्यसमिति बनेको निर्वाचन मण्डलले जनाएको छ

रेडिङ तमु आमा समूहको अध्यक्षमा आशा गुरुङ चयन हुनुभयो । आमा समूहको उपाध्यक्षमा हरिमाया गुरुङ, उसा गुरुङ र मिना गुरुङ तथा महासचिव आशा गुरुङ २, सचिवमा शान्तु गुरुङ, कोषाध्यक्षमा साम्तेन गुरुङ र सहकोषाध्यक्षमा शान्ति गुरुङ रहनुभएको छ ।

नयाँ कार्यसमिति चयनका लागि लेफ्टिनेन्ट ढकबहादुर गुरुङको अध्यक्षतामा निर्वाचन समिति गठन गरिएको थियो ।

रेडिङ तमु समाजका ज्येष्ठ सदस्य गोपाल गुरुङ, अध्यक्ष रुद्रराज गुरुङ र आमा समूह अध्यक्ष विमला गुरुङले संयुक्त रूपमा दीप प्रज्वलन गरेर महाधिवेशन उद्घाटन गर्नुभएको थियो ।

पहिलो चरणमा भएकोवार्षिक साधारणसभामा महासचिव याम गुरुङले संस्थाको वार्षिक प्रतिवेदन तथा प्रगति विवरण, कोषाध्यक्ष हस्त गुरुङले आय-व्यय विवरण र समाजको आर्थिक प्रतिवेदन प्रस्तुत साथै नयाँ आजीवन सदस्यलाई अध्यक्ष रुद्रराजले आजीवन सदस्य ब्याज प्रदान गर्नुभयो ।

यसैगरी, साधारणसभामा संस्थाको आर्थिक गतिविधि र आगामी २१ डिसेम्बरमा हुने रेडिङ तमु समाजको ल्होछारको विषयमा बृहत् छलफल गरिएको थियो ।