यस्तो देखियो बेलायतमा पहिलो एनआरएनए कप र महोत्सव [१३ तस्बिरहरु]

लन्डन । गैर आवासीय नेपाली संघ (एनआरएनए) युकेको आयोजनामा शनिबार ३ अगस्टमा फेल्थाममा पहिलो एनआरएनए कप र महोत्सव सम्पन्न भएको छ ।

अध्यक्ष प्रेम गाहामगरको अध्यक्षतामा र बेलायतका सांसदको प्रमुख आतिथ्यतामा औपचारिक कार्यक्रम सम्पन्न भएको हो । कार्यक्रम प्रमुख अतिथि सांसद एलेक्स ब्याकर, अध्यक्ष गाहामगर र प्रमुख संरक्षक डेभिड गुरुङले पानसमा बत्ती बालेर उद्घाटन गर्नुभएको थियो ।

एनआरएनए कप फुटबल प्रतियोगितामा भेट्रान र नन भेट्रान गरी ४० टिमले प्रतिस्पर्धा भएको थियो । ननभेट्रान विजेताले २ हजार पाउन्ड नगद, ट्रफी र प्रमाणपत्र तथा रनर अपले एक हजार पाउन्ड, ट्रफी र प्रमाणपत्र पाएका छन् । म्यान अफ द म्याच, वेस्ट स्कोरर, वेस्ट किपरलाई पनि उपाधि प्रदान गरियो । विजेता, उपविजेता र उत्कृष्ट खेलाडीहरुलाई अतिथिहरु र प्रायोजकहरुबाट पुरस्कार वितरण गरेका थिए ।

एनआरएनए कप युवा तथा खेल संयोजक विशाल राई गर्नुभएको थियो । बेलायतमा रहेका नेपाली युवाको प्रतिभा उजागर गर्दै ‘स्वास्थ्यका लागि खेलकुद’ भन्ने उद्देश्यसहित ‘९ए साइड’ एनआरएनए कप फुटबल प्रतियोगिता गरिएको हो ।

महोत्सवमा सातै प्रदेशका किशोरी, पाइपर धुन र पन्चे बाजाद्वारा अतिथिलाई स्वागत गरिएको थियो । महोत्सवमा खाना र अन्य व्यापारिक स्टल रहेको थियो

एनआरएनए यूके महासचिव प्रमिला लाबुङ राईले सञ्चालन उक्त कार्यक्रम सञ्चालन गरिएको थियो ।