लण्डन । लण्डन महानगरको मेयरमा सदिक खान लगातार तेस्रोपटकका लागि निर्वाचित भएका छन् ।
मे २ मा सम्पन्न मतदानको शनिबार अपराह्न मतगणनाअनुसार खानले १० लाख ८८ हजार मत पाए भने उनको निकटतम प्रतिद्वन्द्वी कन्जरभेटिभ पार्टीका सुसन हलले ८ लाख १३ हजार मत पाइन् ।
खानले ४३.८ प्रतिशत मत पाए भने हलले ३२.७ मत पाए ।
खान पहिलोपटक सन् २०१६ मा लण्डनको मेयर निर्वाचित भएका थिए । दोस्रोपटक सन् २०२१ मा निर्वाचित भएका थिए ।
पाकिस्तानी पारिवारिक पृष्ठभूमिका खानका पिता बेलायतमा बस चालक थिए ।
