लण्डन । पूर्व गोरखा सैनिकका छोराछोरीलाई बेलायतको आवासीय भिसा दिलाइदिने भन्दै ठगी गरेको आरोपमा पक्राउ परेका बेलायत निवासी पूर्व गोरखा सैनिक सूर्य नेम्वाङ धरौटीमा रिहा भएका छन् ।
काठमाडौँ जिल्ला अदालतमा बुधबार भएको सुनुवाईमा न्यायाधीश शिवलाल पाण्डेयको इजलासले नेम्वाङलाई पाँच लाख रुपियाँ धरौटीमा छोड्न आदेश दिएको हो ।
नेम्वाङलगायत तीन जनाविरुद्ध दिलप्रसाद लिम्बूसहित नेपाल सरकारको तर्फबाट फागुन १ गते काठमाडौँ जिल्ला अदालतमा मुद्दा दर्ता भएको थियो ।
नेम्वाङविरुद्धको मुद्दाको सुनुवाइ इजलास नम्बर २५ मा भएको थियो । अब नेम्वाङले थुनाबाहिरबाट मुद्दाको प्रतिरक्षा गर्नुपर्ने भएको छ ।
