पूर्व गोरखाकी छोरी एसिया प्रोपर्टी ब्यवसायमा

लण्डन । पूर्व गोरखा सैनिककी छोरी एसिया गुरुङ बेलायतमा प्रोपर्टी व्यवसायमा प्रवेश गरेकी छिन् ।
उनले तिम्रो स्टेट नाम गरेको प्रोपर्टी कम्पनी भर्खरै शुरु गरेकी छिन् ।
तिम्रो स्टेटले युकेभर लगानीमा उच्च प्रतिफल (आरओइ) दिने प्रोपर्टीहरु खोज्नमा विशेषज्ञता हासिल गरेको उनले बताएकी छिन् । यसका अलावा विभिन्न किसिमका प्रोपर्टीहरु जस्तै आवासीय, व्यावसायिक, भाडामा दिने, धेरैवटा परिवार बस्न मिल्ने प्रोपर्टीहरु, सेवायुक्त आवास, भाडामा घर लिएर भाडामा दिने, जग्गा र नयाँ घर बनाउने योजनाहरुमा पनि सो प्रोपर्टीले सेवा दिने छ ।
कानुन विषयको अध्ययन गर्दागर्दै स्वतन्त्र प्रोपर्टी एजेन्ट बन्ने निर्णय गरेर यस व्यवसायमा होमिएकी उनले प्रोपर्टी सम्बन्धी प्रशिक्षण र सबै आवश्यक पाठ्यक्रमहरू पूरा गरेको बताएकी छिन् ।
आफू सकेसम्म धेरै मानिसहरूलाई मद्दत गर्न कटिबद्ध रहेको र विशेषगरी नेपाली समुदायका लागि सहयोग गर्ने चाहना रहेको उनको भनाइ छ । नेपाली समुदायसित प्रोपर्टीसम्बन्धी ज्ञानको कमी र भाषाको अवरोधको समस्या पनि रहेको उल्लेख गर्दै उनले भनिन्, -‘यी समस्या समाधान गर्न म आएकी छु ।’