लण्डन । नेपाली चलचित्र ‘गोर्खा वारियर’ को यही सेप्टेम्बर १० मा हुने प्रिमियरमा बेलायती प्रधानमन्त्री ऋषि सुनक नआउने भएका छन् ।
उनले १७ अगष्टमा सांसद दामियन कलिन्सलाई एक पत्र लेख्दै कार्यव्यस्तताका कारण प्रिमियरमा उपस्थित हुन असमर्थ हुने जानकारी दिएका हुन् ।
मिलन चाम्स निर्देशक र बेलायतका नेपाली व्यवसायीहरू निर्माता रहेको सो चलचित्रको प्रिमियरमा आतिथ्यताका लागि प्रधानमन्त्री सुनकलाई निमन्त्रणा पठाइको थियो ।
प्रिमियरमा आउन असमर्थ रहे पनि उनले गोरखाहरूको वीरता, समर्पण र बलिदान समेटिएको सो चलचित्रको सफलताका लागि शुभकामना दिएका छन् ।
सो चलचित्रको प्रिमियर लण्डनको लेस्टर स्क्वायरमा हुँदैछ ।
