लण्डन । बेलायतको एम्सब्रीमा बसोबास गर्ने एक नेपाली युवा दुई सातादेखि सम्पर्कविहीन भएका छन् ।
सोल्सब्री प्रहरीका अनुसार ३६ वर्षीय किरण पुन डिसेम्बरको १ तारिखबाट सम्पर्कविहीन भएका हुन् । उनी घरबाट ह्याम्पसायरमा साथी भेट्न रेल चढेर जाने योजनामा भएको प्रहरीले जनाएको छ । तर त्यसपछि उनी सम्पर्कविहीन भएका हुन् ।
करिब ५ फिट ८ इन्च अग्ला पुनको कालो कपाल, खैरो आँखा भएको र चिउँडोमा खत भएको बताइएको छ ।
सोल्सब्री प्रहरीले मंगलबार साँझ एक अपील सार्वजनिक गर्दै उनको बारेमा केही सूचना भए १०१ मा फोन गरी रिफरेन्स नम्बर ५४२२०१२८०४४ उल्लेख गरी सूचना दिन अनुरोध गरेको छ ।
