नेपाली ओपन कन्सर्ट २८ मेमा, प्रकाश सपुत, तारा श्रीश र नेपाल आइडल भूपेन्द्र थापा आउँदै

लण्डन । मगर संघ युकेको आयोजनामा बेलायतमा आयोजना हुने गरेको नेपाली ओपन कन्सर्ट मे २८ मा हुने भएको छ ।
कोरोना भाइरसको महामारीका कारण दुई वर्ष सो कन्सर्ट हुन सकेको थिएन ।
फार्नब्रो फुटबल क्लवमा बिहान ११ बजेदेखि साँझ ८ बजेसम्म हुने सो कन्सर्टमा दर्शकहरुलाई मनोरञ्जन दिन नेपालबाट चर्चित कलाकारहरु प्रकाश सपुत, भ्वाइस अफ नेपाल २०२१ की उपविजेता तारा श्रीश र नेपाल आइडलका विजेता भूपेन्द्र थापामगर बेलायत आउने भएका छन् । उनीहरुको साथमा बेलायतमा रहेका नेपाली कलाकारहरु पनि सहभागी हुने छन् ।
सो कन्सर्टमा बालबालिकाहरुका लागि मनोरञ्जन, फेस पेन्टिङ र अन्य रोचक खेलहरु राखिने बताइएको छ ।
सो कन्सर्टमा भाग लिन बयस्कका लागि २० पाउण्ड, बालबच्चाहरुका लागि १५ पाउण्ड तोकिएको छ ।
बेलायतका लागि नेपाली राजदुतको प्रमुख आतिथ्यतामा हुने सो कन्सर्टमा स्थानिय काउन्सिलका नेता, मेयर, काउन्सिलहरु, नेपाली समुदायका अगुवाहरुहरु अतिथिका रुपमा आमन्त्रण गरिएका छन् ।
हजारौँ मानिसहरु सहभागी हुने सो कन्सर्टमा व्यापारिक प्रतिष्ठानहरुको पनि स्टलहरु रहने छन् ।
सबै उमेर समूहका मानिसहरुले मनोरञ्जन लिन सक्ने सो कन्सर्ट बेलायतमा नेपाली सँस्कृतिको जगेर्ना गर्ने उद्देश्यले आयोजना गरिएको अध्यक्ष सीता पुन मगरले बताइन् । कन्सर्टमा भाग लिनका लागि उनले बेलायतमा रहेका सबै नेपालीहरुलाई अनुरोध गरेकी छिन् ।
मगर संघ युकेले १४ वर्षदेखि सो कन्सर्ट आयोजना गर्दै आएको छ । सन् २००२ मा स्थापित संघको युकेमा १२ वटा रहेको छ ।