लण्डन । बेलायतका लागि नेपाली राजदुत ज्ञानचन्द्र आचार्यले बेलायतका विदेश तथा अन्तर्राष्ट्रिय विकास मन्त्री लर्ड अमहदसित आज भेट गरेका छन् ।
सो अवसरमा बेलायती प्रधानमन्त्रीको नेपाल भ्रमणका लागि राजदुत आचार्यले कुरा उठाएका थिए । उनले बेलायतबाट नेपालमा हाइ प्रोफाइल भ्रमणहरु भइरहे पनि प्रधानमन्त्रीको भ्रमण हुन नपाएकोमा ध्यानाकर्षण गराएका थिए ।
यस्तै भेटमा गोरखा सैनिकहरुको समस्याका बारेमा पनि राजदुत आचार्यले कुरा राखेको दुताबासका प्रवक्ता श्रीमती रोशन खनालले जानकारी दिइन् । साथै कोभिड विरुद्धको लडाइँमा बेलायतले नेपाललाई गरेको सहयोगका लागि हार्दिक धन्यवाद दिँदै राजदुत आचार्यले नेपाल-बेलायतबीच व्यापार र लगानीका बारेमा पनि कुरा राखेका थिए ।
भेटपछि ट्वीट गर्दै बेलायतको मध्य एसिया, दक्षिण एसिया, उत्तर अफ्रिका, कमनवेल्थ, संयुक्त राष्ट्र संघ र मानवअधिकार मामिला हेर्ने मन्त्री अहमदले नेपाली राजदुतसितको भेटमा बेलायतको नेपालसितका प्रमुख प्राथमिकताका विषयहरु व्यापार लगानी, नेपालको जलवायु परिवर्तनविरुद्धको अभियान तथा गोरखा समस्याका बारेमा कुरा भएको बताएका छन् ।
यसैबीच, राजदुत आचार्यले आजै युके नेपाल ट्रेड एण्ड इन्भेष्टमेण्ट फोरमका प्रमुख लर्ड शेखसँग पनि भेट गरेका छन् ।
बेलायतमा कमलबहादुर गुरुङ फेरि काउन्सिलरमा निर्वाचित
बेलायत निवासी शान्ति लिम्बुको ‘थेम्सको लहरमा तमोरको स्पर्श’ कवितासंग्रह विमोचन
बेलायतमा स्थानीय निर्वाचन : सत्तारुढ दल लेबरलाई झड्का, नेपालीमुलका उम्मेदवार को को भए निर्वाचित ?
बेलायतमा नेपाली दम्पती नै काउन्सिलर निर्वाचित
पूर्वमन्त्री सुदन किराती हर्क साम्पाङ नेतृत्वको श्रम संस्कृति पार्टीमा प्रवेश
स्याङ्जा समाज यूकेको संरक्षकमा मेजर कुमार गुरुङ र प्रमुख सल्लाहकारमा विजयबहादुर गुरुङ मनोनीत
बेल्जियममा श्रम संस्कृति पार्टीको प्रवास तदर्थ समिति गठन
डायमण्ड बु्द्धिष्ट सेन्टर यूकेद्वारा तमु लामा बौद्ध धर्म समाजलाई १६ लाख १३ हजार हस्तान्तरण
तेह्रथुम समाज यूकेको वार्षिक भेला २०२६ सम्पन्न
निवर्तमान गृहमन्त्री सुधन गुरुङबारे तमु समाज यूकेले भन्यो – ‘निष्पक्ष छानबिन सुनिश्चित गरियोस्’
